بەپێی هەواڵی کوردپرێس، قوباد تاڵەبانی، جێگری سەرۆكی حكوومەتی هەرێمی كوردستان لە میانی ڕاگەیاندنی پێشانگایەكدا رایگەیاند: نەوت و گاز سامانی هەمیشەیی نین و ناکرێت لە درێژماوەدا پشتی پێ ببەستین، لەوانەیە ١٠ بۆ ٢٠ ساڵی تر هەرێمی کوردستان نەوت و غازی نەمێنێت، بەڵکوو سامانی ڕاستەقینەی هەر وڵاتێک توانا زانستی و مڕۆییەکانیەتی.

تاڵەبانی وتیشی: کوردستان خاوەنی گەنجی داهێنەر و بە توانایە، پێویستە چ وەک حکوومەت و چ وەک کەرتی تایبەت پشتگیر و هاندەریان بین بۆ کارکردن لەسەر بیرۆکە نوێ و داهێنەرانەکانیان.

جێگری سەرۆکى حکوومەتى هەرێم جەختی كردەوە، كە بە هەموو توانایەكیەوە پشتگیری گەنجانی داهێنەر دەکات و وتی: هەوڵ دەدەم لە کەرتی تایبەتیشدا سپۆنسەریان بۆ دابین بکەم، ئەمڕۆ بەڵێنمدا بەکۆمەڵێک گەنجی داهێنەر کە ساڵانە لە شاری سلێمانیدا پێشانگای تایبەت بە داهێنانە تەکنەلۆجییەکان بکەینەوە.