پشتگیری لە هەر هەنگاوێک دەکەین بۆ کۆتایی هێنان بە دۆخی نەخوازراوی ئێستای عێراق
پوختەی هەواڵ
بەپێی هەواڵی کوردپرێس، بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغدا چاوی کەوت بە عادل عەبدولمەهدی، سیاسەتمەدار و سەرۆک وەزیرانی پێشووی عێراق.
لە دیدارێکدا دوایین گۆڕانکارییە سیاسییەکان و دۆخی ئەمڕۆی عێراق تاوتوێ کرا و جەخت لە هەماهەنگی، زمانی گفتوگۆ و لێکتێگەیشتن کرایەوە لەپێناو زاڵبوون بەسەر ئاستەنگییەکان و چارەسەرکردنی کێشەکان.
بافڵ جەلال تاڵەبانی پشتیوانیی بۆ هەر هەنگاوێک دووپات کردەوە کە "ئامانج لێی گەیشتن بێت بە رێککەوتن و سازان لەپێناو زاڵبوون بەسەر ئەم دۆخە نەخوازراوە و وتی، وڵات پێویستی بە قووڵ کردنەوەی گیانی تەبایی و رێککەوتنی نیشتمانییە لەپێناو گەیشتن بە ئامانجە باڵاکان. ئەرکی هەموومانە کار بۆ داهاتوویەکی ئارام و سەقامگیر بکەین و خزمەتی زیاتری هاوڵاتییانمان بکەین".
لە بەرامبەردا عادل عەبدولمەھدی ستایشی هەوڵەکانی سەرۆکی یەکێتی و سیاسەتی یەکێتی کرد و وتی، یەکێتیی نیشتمانیی کوردستان درێژە بە سیاسەتەکەی مام جەلال دەدات و ئەمەش "ئەو سیاسەتە دروستەیە کە وڵات پێویستییەتی و ئەنجامی دڵخۆشکەری دەبێت".
بۆچوونی بەکارهێنەران