بەرپرسێکی باڵای یەکێتی ڕزگاری بوونی خۆی لە ھەوڵێکی کوشتن ڕاگەیاند
پوختەی هەواڵ
بەشی عێراق و هەرێمی کوردستان- بەرپرسی ئیدارەی مەکتەبی سیاسی یەکێتی نیشتمانی کوردستان ڕایگەیاند، لە ڕێگای گەڕانەوەم شاری سلێمانی بۆ شاری هەولێر لە هەوڵێکی تیرۆرستی ڕزگارم بوو.
بەپێی هەواڵی کوردپرێس، بەختیار کاوانی، بەرپرسی ئیدارەی مەکتەبی سیاسی یەکێتی لە پەیجی خۆی لە فەیسبووک نوسیویەتی: ئەمرۆ ئێوارە لە ڕێگای گەڕانەوەم شاری سلێمانی بۆ شاری هەولێر لە هەوڵێکی تیرۆرستی ڕزگارم بوو.
هەر لەمبارەوە سەرچاوەیەکی باڵا لە کۆیەوە بە تۆڕی میدیایی رووداوی گوتووە: "تەقەکەرەکان دوو ئۆتۆمبێل بوون و دوای رووداوەکە شوێنەکەیان جێهێشتووە".
ئەو سەرچاوە باڵایە ئاماژەی بەوەش کرد، بەهۆی ئەوەی ئۆتۆمبێلی بەختیار جەمیل کاوانی گولـلە نەبڕبووە، ناوبراو بە سەلامەتی رزگاری بووە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران