لە باکووری سووریا دوو سەربازی تورکیا کوژران
پوختەی هەواڵ
بەشی تورکیا- وەزارەتی بەرگریی تورکیا کوژرانی دوو سەربازی وڵاتەکەی لە باکووری سووریا راگەیاند.
کوردپرێس:
بەپێی راگەیێندراوەکەی وەزارەتی بەرگریی تورکیا، دوو سەربازی سوپاکەی بە ناوەکانی مەرت ئۆتال و مەولوود یۆغورتچو لە باکووری سووریا، لەو ناوچەیەی تورکیا بە قەڵخانی فورات ناوی دەبات، کراونەتە ئامانج. دوای برینداربوونیان سەربازەکان گەیێندراونەتە نەخۆشخانە و دواتر گیانیان لەدەست داوە.
تورکیا رایگەیاندووە، ئەو دوو سەربازە بە تەقەی یەکینەکانی پاراستنی گەل پێکراون. تاوەکوو ئێستا هیچ روونکردنەوەیەکی فەرمی لەمبارەیەوە لەلایەن یەپەگەوە بڵاو نەکراوەتەوە.
بۆچوونی بەکارهێنەران