لە هەولێر تەقە لە ماڵی ئەندامێکی سەرکردایەتیی یەکێتی دەکرێت
پوختەی هەواڵ
بەشی عێراق و هەرێمی کوردستان- لە هەولێر تەقە لە ماڵی حاجی مەسیفی، ئەندامی سەرکردایەتیی یەکێتیی نیشتمانیی کوردستان کرا.
بەپێی هەواڵی کوردپرێس، کەناڵی تەلەفزیۆنیی ڕووداو بڵاوی کردەوە ئەمڕۆ دووشەممە، 11-7-2022، کاژێر 2:05 خولەک، دەستڕێژی گولـلە لە ماڵەکەمان کرا و تاوەکوو ئێستا نازانین ئەنجامدەرانی کێن".
سۆران حاجی مەسیفی لەمبارەوە گوتی، "گولـلە بەر باڵی پاسەوانێکی باوکم کەوت، بەڵام شەو نەشتەرگەری بۆ کرا و ئێستا تەندروستی جێگیرە."
بە گوتەی سۆرانی حاجی مەسیف، ئەوان گومان لە هیچ کەسێک ناکەن و دوژمنایەتییان لەگەڵ "هیچ کەسێکیشدا نییە."
ماڵی ئەو ئەندامەی سەرکردایەتی یەکێتی لە گەڕەکی هەولێری نوێیە؛ سۆران حاجی مەسیف گوتی: "پۆلیس و ئاسایشمان ئاگادارکردووەتەوە و فەرمانی دادوەریان وەرگرتووە و ئەمڕۆ سەیری کامێراکانی چاودێری دەکەن و دەست بە دواداچوون دەکرێت".
بۆچوونی بەکارهێنەران