دەزگای هەواڵگریی عێراق: والی ئەنبارى رێکخراوى داعش کوژرا
پوختەی هەواڵ
بەشی عێراق و هەرێمی کوردستان- دەزگای هەواڵگریی عێراق بڵاوی کردەوە، لە ئۆپراسیۆنێکدا والی ئەنبارى رێکخراوى داعش و سێ لە هاوکارەکانی لە رێگەی بۆردوومانەوە کوژراون.
بەپێی هەواڵی کوردپرێس، دەزگای هەواڵگریی عێراق ڕۆژی یەکشەممە لە راگەیەنراوێکدا باسی لەوە کردووە، هێزەکانیان زانیارییان بەدەستگەیشتوە لە بیابانى پارێزگاى ئەنبار ئەبوو مەنسوور، والی ئەنبارى رێکخراوى داعش و سێ لە هاوکارەکانی خۆیان حەشار داوە، بۆیە ئۆپراسیۆنێک لە دژیان ئەنجام دراوە و بەهۆیەوە هەر چوارکەسەکە کوژراون.
ئاماژەی بەوەش کردوە، ئەبوو مەنسوور بەرپرسیاری هەموو ئەو هێرشانە بووە کە کراونەتەسەر هاوڵاتیان لەسەر رێگەى نێودەوڵەتى روتبە لە نێوان عێراق و ئوردن، هەروەها ناوبراو پێشتر بەرپرسیاری جیاوازی لەناو داعش هەبووە.
بۆچوونی بەکارهێنەران