فڕۆکەیەکی بێفڕۆکەوان لە ناوچەی عەنکاوەی سەربە هەولێر کەوتە خوارەوە
پوختەی هەواڵ
بەشی عێراق و هەرێمی موردستان- فڕۆکەیەکی بێ فڕۆکەوان لەنزیک ناوچەی گردجوتیاری سەر بە قەزای عەنکاوە لە سنووری پارێزگای هەولێر کەوتوەتە خوارەوە.
بەپێی هەواڵی کوردپرێس، لەمبارەوە ئومێد خۆشناو، پارێزگاری هەولێر رایگەیاند، دوانیوەڕۆی ڕۆژی چوارشەممە فڕۆکەیەکی بێ فڕۆکەوان لە گرد جووتیار لە نزیک قەزای عەنکاوەی سەر بە پارێزگای هەولێر کەوتوەتەخوارەوە و بەر تاوەرێکی ئینتەرنێت کەوتووە، لە ئەنجامیشدا تاوەرەکە تەقیوەتەوە.
ئاماژەی بەوەش کرد، کەوتنەخوارەوەی درۆنەکە هیچ زیانێکی گیانی نەبووە، لەم کاتەشدا هێزە ئەمنییەکان لێکۆڵینەوە لە رووداوەکە دەکەن، بەتایبەت کە هیچ زانیارییەکیش نیە لەسەر ئەوەی کە درۆنەکە لەکوێوە ئاڕاستەکراوە.
بۆچوونی بەکارهێنەران