ڕێبەر ئەحمەد: هیچ ڕێککەوتنێک نییە کە من لە کاندیدبوون بۆ پۆستی سەرۆک کۆمار بکشێمەوە
پوختەی هەواڵ
بەشی عێراق و هەرێمی کوردستان- کاندیدی پارتی بۆ پۆستی سەرۆک کۆماری عێراق دەڵێت بەهیچ شێوەیەک هیچ ڕێککەوتنێک لەگەڵ یەکێتی نییە کە کاندیدبوون بکشێمەوە.
بەپێی هەواڵی کوردپرێس، ڕێبەر ئەحمەد، وەزیری ناوخۆی هەرێم و کاندیدی پارتی بۆ پۆستی سەرۆک کۆماری عێراق لە کۆنفرانسێکی ڕۆژنامەوانیدا ڕەتیکردەوە کە لەگەڵ یەکێتی ڕێککەوتبن بۆ کشانەوەی ئەو و پێدانی پۆستەکە بە یەکێتی، دەشڵێت: "سوورین لەسەر ئەوەی پۆستەکە بۆ پارتی بێت".
رێبەر ئەحمەد ڕاشیگەیاند، "پارتی دیموکراتی کوردستان جەخت لە کاندیدبوونی من دەکاتەوە بۆ پۆستی سەرۆک کۆمار و ئەو پۆستە بە پشکی خۆمان دەزانین و پارتی سوورە لەسەر کاندیدبوونی من".
ناوبراو وتیشی، "لەگەڵ یەکێتی کۆبووینەتەوە و نزیکبوونەوە هەیە، بەڵام تاوەکوو ئێستا باسی پۆستی سەرۆک کۆمار نەکراوە و بەهیچ شێوەیەکیش هیچ ڕێککەوتنێک نییە کە من بکشێمەوە".
بۆچوونی بەکارهێنەران