شەش جووتیاری گوندێکی کەرکووک بەدەستی داعش شەهید کران
پوختەی هەواڵ
بەشی عێراق و هەرێمی کوردستان- شانەی ڕاگەیاندنی ئەمنیی عێراق ڕایگەیاند 6 جووتیاری عێراقی لە هێرشێکی داعشدا بۆسەر پارێزگای کەرکووک شەهید بوون.
بەپێی هەواڵی کوردپرێس، لەکاتێکدا دانیشتوانی گوندی سامی عاسی لە باشووری کەرکووک سەرقاڵی کوژاندنەوەی ئاگرێک بوون کەلەنێو دەغڵ و دانی گوندەکەیان کەوتبووە، چەکدارانی داعش پەلاماری جووتیارانی گوندەکەیان داوە.
لەم هێرشەدا داعش سوودی لە خراپی ڕەوشی کەشوھەوا و شەپۆلی خۆڵبارینەکە وەرگرتووە بۆ ئەنجامدانی پەلامارەکەی و دوای ڕوداوەکە ھێزەکانی حەشد و سوپا بەدەنگ دانیشتوانی گوندەکەوە چوون و کێوماڵیان لەو ناوچەیە دەستپێکردوە.
گوندی سامی عاسی دەکەوێتە نێوان ھەردوو شارۆچکەی ڕەشاد و تازەوە لەڕووی ئیداریەوە سەر بەناحیەی تازەی پارێزگای کەرکوکە و دانیشتوانی گوندەکە عەرەبی سوننەن.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران