بەپێی هەواڵی کوردپرێس، عه‌باس فه‌تاح، ئه‌ندامی فراكسیۆنی یه‌كێتی له‌ په‌رله‌مانی كوردستان له‌باره‌ی لێدوانه‌كه‌ی ئیحسان عه‌بدولجه‌بار، وه‌زیری نه‌وتی عێراق، رایگه‌یاند: "ئەگەر عێراق بڕیارەکە جێبەجێ بکات و فایلی نەوتەکە بباتەو لای خۆی ئەوا بێگومان لایەنە کوردیەکانیش کێشەیان لەگەڵ یەکتر نامێنێت و موچەخۆرانیش دودڵیان کۆتایی دێت و پڕۆژەکانیش دەست پێ دەکاتەوە".

ناوبراو ئاماژه‌ی به‌وه‌ش كردوه‌، ئه‌گه‌ر دۆسیه‌ی نه‌وتی هه‌رێمی كوردستان لای حكومه‌ت نه‌مێنێت، "یەکڕیزی حزبەکان دروست دەبێت و لە شەڕەجوێنیش رزگارمان دەبێت و کەسیش براگەورە نابێت".

شایانی باسەئئیحسان عه‌بدولجه‌بار وه‌زیری نه‌وتی عێراق دوێنێ شه‌ممه‌ له‌میانه‌ی كۆبوونه‌وه‌ی ئه‌نجومه‌نی ده‌سته‌ی وه‌زاره‌تی نه‌وتدا رایگه‌یاند: "به‌ڕێوه‌به‌ردنی چالاكییه‌ نه‌وتییه‌كانی هه‌رێمی كوردستان نادروسته‌، چوونكه‌ به‌نرخێكی زۆر كه‌متر له‌ نرخی كۆمپانیای به‌بازاڕكردنی نیشتمانی نه‌وت (سومۆ) ده‌فرۆشرێت".

وه‌زیری نه‌وتی عێراق باسی له‌ بڕیاره‌كه‌ی دادگای فیدراڵی كرد و وتی، "ئه‌و بڕیاره‌ رونكردنه‌وه‌یه‌ بۆ به‌نده‌كانی ده‌ستور له‌سه‌ر نه‌وتی هه‌رێم، هه‌نگاو ده‌نێین بۆ جێبه‌جێ كردنی، چونكه‌ مه‌زاجی سیاسی ناتوانێت ببێته‌ رێنیشانده‌ر له‌ پیشه‌سازی نه‌وتدا، دۆسیه‌ی نه‌وتیش زۆر قازانجبه‌خشه‌ و كاریگه‌ری له‌سه‌ر سیاسه‌تی ده‌ره‌وه‌ی ده‌وڵه‌ت له‌گه‌ڵ وڵاتانی به‌كاربه‌ری نه‌وت دروست ده‌كات".