هەدەپە و کۆمەڵی دادگەری جەخت لە یەکهەڵویستیی کورد دەکەنەوە
پوختەی هەواڵ
بەشی عێراق و هەرێمی کوردستان- نوێنەرایەتیی هەدەپە و کۆمەڵی دادگەریی کوردستان، لە شاری هەولێر کۆبوونەوە و باسیان لە گرنگیی یەکهەڵوێستیی کورد کرد.
بەپێی هەواڵی کوردپرێس، هەریەکە لە ناهیدە ئارمش و حیکمەت خاتیب، هاوسەرۆکانی نوێنەرایەتیی پارتی دیموکراتیکی گەلان لە هەرێمی کوردستان، سەردانی کۆمەڵی دادگەریی کوردستانیان کرد لە شاری هەولێر و لەلایەن سوان ڕابەر، بەپرسی پەیوەندییەکانی ئەو حزبەوە پێشوازییان لێکرا.
ئاژانسی ڕۆژنیوز لەبارەی ئامانجی سەرادنەکەو دەڵێت: ئامانج لە کۆبوونەوەکە گفتوگۆکردن بوو لەبارەی پیلانەکانی دەوڵەتی تورکیا و ئامانجەکانی پشت هێرشە داگیرکارییەکانی.
هەروەها ڕاشیگەیاند لەو کۆبوونەوەیەدا جەخت لە گرنگیی یەکگرتن و یەکهەڵوێستیی لایەنە کوردییەکان لە بەرامبەر ئەو داگیرکارییانە، کرایەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران