لە جەژنی ڕەمەزاندا 147 هەزار گەشتیار سەردانی پارێزگای سلێمانییان کردووە
پوختەی هەواڵ
کوردپرێس:
بەپێی ڕاگەیاندراوێکی بەڕێوبەرایەتیی گەشتوگوزاری سلێمانی لە ماوەی جەژنی ڕەمەزاندا ڕێگەی بازگە و دەروازە سنوورییەکان و فڕۆکەخانەوە، 147 هەزار گەشتیاری شارەکانی عێراق و وڵاتی ئێران و بیانی بۆ بەسەربردنی کاتێکی خۆش لە جەژن و ڕۆژانی پێشتر و دواتری بۆنەکەدا گەشتەکانیان بۆ سلێمانی و سەیرانگا و هاوینە هەوارەکانی ئەم شارە ئەنجام داوە، زیاتر لە 80%ی ئەو ڕێژەیە گەشتیارانی ناوەڕاست و باشووری عێراقن.
بەڕێوبەرایهتیی گەشتوگوزاری سلێمانی، ئاماژەی بەوەش کردووە، گەشتیاران هەر لە سەرەتای گەیشتنیانەوە بە شێوەیەکی باش و بێكێشه پێشوازییان لێکراوە و وەک پێویست شوێنی حەوانەوەیان لە بنکە گەشتیارییەکانی کەرتی تایبەت دەست بکەوێت، ھەروەھا جەژنی ڕەمەزانی ئەمساڵدا هاوینەهەواری دوکان قەرەباڵغترین ناوچەی گەشتیاری بووە و زیاتر لە 170 هەزار سەردانیکار و گەشتیار کاتە خۆشەکانیان لەو هاوینە هەوارە دڵڕفینە بەسەر بردووە.
بۆچوونی بەکارهێنەران