بەپێی هەواڵی کوردپرێس، فه‌ریقی روكنی یه‌كه‌م عه‌بدولئه‌میر شه‌مه‌ری جێگری فه‌رمانده‌ی ئۆپه‌راسیۆنه‌ هاوبه‌شه‌كان رایگه‌یاند، له‌میانه‌ی ده‌ستپێكردنی ئۆپراسیۆنی ئیراده‌ی پۆڵاین له‌ رۆژئاوای عێراق، 2 تیرۆرست كوژراون و 6 تیرۆرستی دیكه‌ش برینداركراون، ده‌ستیش به‌سه‌ر 16 بۆمبی چێندراو گیراوه‌.

عه‌بدولئه‌میر شه‌مه‌ری وتیشی: "سێ جار دابه‌زینی ئاسمانی بۆسه‌ر مۆڵگه‌كانی چه‌كدارانی داعش ئه‌نجامدراوه‌، ده‌ست به‌سه‌ر 5 خانووی بۆمبربڕێژكراو گیراوه‌، هه‌روه‌ها 2 ئۆتۆمبێلی بۆمبڕێژكراویش ته‌قێندراونه‌ته‌وه‌ له‌گه‌ڵ خاپووركردنی دوو تونێل كه‌ چه‌كدارانی داعش بۆ هاتووچۆكردن به‌كاریان هێناوه‌".

جێگری فه‌رمانده‌ی ئۆپه‌راسیۆنه‌ هاوبه‌شه‌كان ئاماژه‌ی به‌وه‌ش كردووه‌، ئۆپراسیۆنه‌كانیان به‌مه‌به‌ستی له‌ناوبردنی ته‌واوی جموجۆڵه‌كانی چه‌كدارانی داعش به‌رده‌وامی ده‌بێت.