وەزارەتی دەروەی عێراق بەتوندی ئۆپراسیۆنەکەی تورکیا لە باکووری عێراق سەرکۆنە دەکات
پوختەی هەواڵ
بەشی عێراق و هەرێمی کوردستان- وەزارەتی دەرەوەی عێراق ڕایگەیاند بە توندی ئۆپراسیۆنی تورکیا لە باکووری وڵات ڕەت دەکەینەوە.
بەپێی هەواڵی کوردپرێس، ئەحمەد سەحاف، وتەبێژی وەزارەتی دەروەی عێراق لە ڕاگەیەنراوێکدا دەڵێت: حکوومەت ئەو ئۆپراسیۆنەی تورکیا بە دەستدرێژی کردن بۆسەر "سەروەریی وڵات" دەزانێت.
ناوبراو دەشڵێت، ئۆپراسیۆنەکە پێچەوانەی بنەماکانی دراوسێی باشە و ڕاشیگەیاند، حکوومەتی عێراق جەختی کردەوە خاکی عێراقی نابێتە بارەگا و ڕێڕەوی زیانگەیاندن و ئازاردانی هیچ دەوڵەتێکی دراوسێ.
وتەبێژەکەی وەزارەتی دەرەوەی عێراق جەختی کردووەتەوە لەوەی عێراق نابێتە گۆڕەپانی ناکۆکییەکان و یەکلایی کردنەوەی ناکۆکیی لایەنە دەرەکییەکان.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران