دوای بڕیارەکەی دادگای فیدڕاڵی، بەرپرسانی هەرێم تەنها کارتی ئاشتی لەگەڵ خەڵکیان بەدەستەوە ماوە
پوختەی هەواڵ
بەشی عێراق و هەرێمی کوردستان- رێكخەری گشتی بزاڤی چاكسازی و گەشە رایگەیاند، دوای بڕیارەکەی دادگای فیدڕاڵی عێراق دەسەڵاتدارانی هەرێمی کوردستان تەنها کارتی ئاشتبوونەوە لەگەڵ هاوڵاتیانی کوردستانیان بەدەست ماوە.
بەپێی هەواڵی کورپرێس، محەمەد بازیانی لەپەیجی تایبەتی خۆی لە فەیسبووک ئاماژەی بەوەشكردووە، "تەنها کارتێک بە دەستی دەسەڵاتدارانی هەرێمەوە ماوە کارتی ئاشتبوونەوەیە لەگەڵ هاوڵاتیانی کوردستان، ئەگینا هەموو کارتەکانی تر سووتاوە پاش بڕیاری دادگای فیدڕاڵی دەربارەی ناقانونی بوونی یاسای نەوت و غازی کوردستان...!".
ئاماژەی بەوەش کردوە، "پرسیارەکە ئەوەیە: ئایا ئەم دەرفەتە لە دەست دەدەن؟! یان ئاشکراتر بڵێین: ئەم کارتەش دەسووتێنن..؟! کاتیش کەم ماوە لە بەردەمیان".
بۆچوونی بەکارهێنەران