تورکیا ھێرشەکەی سەر ماڵی حەلبوسی سەرکۆنە کرد
پوختەی هەواڵ
بەپێی هەواڵی کوردپرێس، وەزارەتی دەرەوەی تورکیا، پەیامێکی سەرکۆنەکردنی ئەو ھێرشەکە کە کرایە سەر ماڵی محەمەد حەلبوسی سەرۆکی ئەنجومەنی نوێنەرانی عێراق، بڵاو کردەوە.
لە پەیامەکەی وەزارەتی دەروەی تورکیادا ھاتووە: "بەتوندترین دەربڕین سەرکۆنەی ئەو ھێرشە تیرۆریستییە دەکەین کە کراوەتە سەر ماڵی سەرۆکی ئەنجومەنی نوێنەرانی عێراق، محەمەد حەلبوسی لە پارێزگای ئەنبار".
لە پەیامەکەدا، ئاماژە بەوە کراوە کە "ئاواتەخوازن لە کورتترین ماوەدا ئەنجامدەرانی ھێرشەکە دەستگیر بکرێن و ببرێنە بەردەم دادگا و جەخت لەوە کراوەتەوە کە تورکیا، بەردەوامە بەشێوەیەکی بەھێز پاڵپشتیی عێراق بکات لە بەرەنگاربوونەوەی تیرۆردا".
شەوی ٢٥ی کانوونی دووەم، ھێرشێکی مووشەکی کرایە سەر ماڵی محەمەد حەلبوسی سەرۆکی ئەنجوومەنی نوێنەرانی عێراق، لە شارۆچکەی گەرمە سەربە پارێزگای ئەنبار و لە ئەنجامدا دوو کەس بریندار بوون.
بۆچوونی بەکارهێنەران