بزووتنەوەی گۆڕان: تیمەکانمان لە حکوومەتی هەرێمی کوردستان بەردەوام دەبن
پوختەی هەواڵ
بەشی عێراق و هەرێمی کوردستان- ژووری حکوومەتی بزووتنەوەی گۆڕان رایگەیاند، تیمەکانیان لە حکوومەتی هەرێمی کوردستان و حکوومەتە خۆجێییەکان بەردەوام دەبن.
بەپێی هەواڵی کوردپرێس، ئەمڕۆ یەکشەممە 02-01-2022 ژووری حکوومەتی بزووتنەوەی گۆڕان لە روونکردنەوەیەکدا لەبارەی تیمەکانیان لە حکوومەتی هەرێمی کوردستان و حکوومەتە خۆجێییەکان ئاماژەی بەوە دا: "جەخت لەوە دەکەینەوە کە تا ئەو کاتەی بزووتنەوەی گۆڕان دەگاتە دوا بڕیاری سیاسی بۆ مانەوە لە حکوومەتدا یان کشانەوە، هاوڕێیانمان لە حکوومەتدا نوێنەرایەتیی گۆڕان دەکەن و ئەرکی فەرمی بەڕێوەدەبەن، هەر کاتێکیش بڕیاری کشانەوە لە حکوومەت درا ئەوا تیمەکانمان پێوەی پابەند دەبن."
لە روونکردنەوەکەدا هاتووشە: "ئێستا بزووتنەوەی گۆڕان لە هەوڵی دیاری کردن و هەڵبژاردنی دەستەیەکی کاتیدایە بۆ سەرکردایەتی کردنی بزووتنەوەکە."
بۆچوونی بەکارهێنەران