بەپێی هەواڵی کوردپرێس، سەلاحەدین محەمەد بەهائەدین ئەمینداری گشتیی یەکگرتووی ئیسلامیی کوردستان لەمیانى کۆبوونەوەى لەگەڵ ژمارەیەک کادیرانى حزبەکەی لە هەڵەبجە رایگەیاند،پێویستە هەمووان کار لەسەر پەروەردەی دروستی تاکی کۆمەڵگەی کوردی بکەین و وەک هەمیشە یەکگرتووەکان لەو بوارەدا پێشەنگ بوون و جێدەستیان دیارە و هیچ هەوراز و نشێویەک نەیتوانیوە ڕێگری بکات لەسەر ئەرکی پیرۆزی سەرشانمان لە ئیسلاح و خزمەتدا.

ئەمینداری یەکگرتوو ئاماژەیدا بەوەی کە یەکگرتوو وەک هەمیشە هەوڵەکانی بۆ پێگەیاندنی تاکی بەهێز و دیندار و تۆکمەیی خێزان بەگەڕ دەخات، چوونکە لەئێستا لە هەموولایەکەوە بە بەرنامە کار بۆ تێکدانی شیرازەی خێزانەکان و بەلاڕێدابردنی بیر و فکری گەنجانمان دەکرێت.

سەڵاحەدین بەهادین دەشلێت: "ئەم بەرنامەیە لەئەنجامدا مەترسیەکی گەورەیە و پێویستە لەئێستاوە ڕووبەڕووی ببینەوە و نەهڵێن هاوڵاتیانی کورد ببنە قوربانی ئەو پیلانانە".