بەلەمێک بە 70 کۆچەرەوە لە کەنارەکانی یۆنان نقوم بوو/ 60 کەسیان کورد بوون
پوختەی هەواڵ
بەشی جیهان- بەلەمێکی کۆچەران بە 70 سەرنشینەوە کە 60یان کوردن لە کەنارەکانی یۆنان نقوم بوو.
بەپێی هەواڵی کوردپرێس، رەنج پشدەری چالاکوانی بواری کۆچەران لە تۆڕی کۆمەڵایەتی فەیسبووک بڵاویکردووەتەوە، ئەو بەلەمەی شەوی رابردوو ژێر ئاو کەوت 70 کۆچەری تێدابووە لەو ژمارەیەش 60یان کورد بوون، کاتێک قسەی لەگەڵ کردوون داوای هاوکاری و بەهاناوەچونیان کردووە و وتوویانە خەریکە نقوم دەبین.
رونیشیکردووەتەوە، پۆلیسی یۆنانی هاوکاری ئەو کۆچەرانەی کردووە و رزگاری کردوون، بەڵام تاوەکوو ئێستا هیچ روونکردنەوەیەکی بڵاو نەکردوەتەوە کە هەموو ئەو کۆچەرانە رزگار کراون یاخودنا.
بەلەمەکە کە بەلەمی ماسیگرتن بووە لە تورکیاوە بەڕێکەوتووە و کۆچبەری لە تورکیاوە بۆ یۆنان گواستووەتەوە.
بۆچوونی بەکارهێنەران