بەپێی هەواڵی کوردپرێس، مەحموود محەمەد، وتەبێژی پارتی، لە لێدوانێکدا بۆ میدیاکانی حزبەکەی وتی "سبه‌ی سێ وەفد‌ی پێکهاته‌ی سوننه‌ به‌ جیا ده‌گه‌نه‌ ھەولێر و لەگەڵ مەسعوود بارزانی کۆ دەبنەوە و لەبارەی پۆستی سەرۆک کۆماریشەوە وتی ئەو پۆستە بۆ هیچ لایەنێک یەکلایی نەکراوەتەوە.

لە بەشێکی دیکەی لێدوانەکەیدا، وتەبێژی پارتی وتی ئەوەی يەکلایی کراوه‌ته‌وه‌ ئه‌وه‌یه‌، که‌ ئه‌و پۆسته‌ پشکی کورده‌ و لە ناو کورديش گفتوگۆی لەسەر دەکرێت.

هەروەک ئاماژەی بەوەشدا کە حزبەکەی بەڵگەی تەواوی لەبه‌ردەستە، کە بە دەستێوەردان چۆن دوو کورسییان لە دەستداوە، بەتايبەت لە نەينەوا فێڵێکی گەورە لە پارتی کراوه‌، چوونکە ھەموو ئەنجامەکانی ناو سندووقەکان کە پێنج جار ھەژمار کرابوونه‌وه‌، ھاوشێوەی دەنگی ئەليکترۆنی بوون.

ناوبراو وتیشی "پارتی بە دوو لايەنی جيا سەيری ئەنجامەکان دەکات و دەستبەرداری سکاڵاکانی نابێت و لە گەڵ يەکڕيزی نيشتيمانيشە لەناو کورد بۆ حکوومەتی داھاتووی عێراق".