لە حەوت مانگی ئەمساڵدا زیاتر لە 27 ملیار دۆلار کاڵای ئێرانی بەرەو عێراق و چین و تورکیا هەناردە کراون
پوختەی هەواڵ
بەشی ئێران- فەرمانگەی گومرگی ئێران رایگەیاند، قەبارەی کاڵای ھەناردەکراوی وڵاتەکەی بۆ عێراق و چین و تورکیا و چەند وڵاتێکی دیکەی لە ماوەی حەوت مانگی ئەمساڵدا زیاتر لە ٧٥ ملیۆن تۆن بووە، بە بەھای زیاتر لە ٢٧ ملیار دۆلار.
کوردپرێس:
روحوڵا لوتفی بەڕێوەبەری فەرمانگەی گومرگی ئێران رایگەیاند، لە ماوەی حەوت مانگی ئەمساڵدا، کە لە ٢١ی ئاداری ٢٠٢١ەوە دەست پێدەکات وڵاتەکەی بە قەبارەی ٩٩ ملیۆن تۆن و بە بەھای ٥٥ ملیار دۆلار کاڵای ھەناردەی وڵاتانی جیھان کردووە.
ناوبراو ئاماژەی بەوەش دا، ئێران بە بەھای ٢٧ ملیار و ٧٤ ملیۆن دۆلار و بڕی ٧٥ ملیۆن و ٢٠٠ ھەزار تۆن کاڵای ھەناردەی چین و عێراق و تورکیا و ئیمارات و ئەفغانستان کردووە.
لەماوەی رابردوودا، چەندین جار ئێران قەبارەی کاڵای ھاوردەکراوی بۆ عێراق ئاشکرا کردووە، راشیگەیاندووە، کە لەناوچەکەدا و بەھۆی نزیکی سنوری نێوانیانەوە، عێراق بە پلەی یەکەم دێت بۆ ساغکردنەوەی کاڵاکانی و دابینکردنی پێداویستییەکانی عێراق.
بۆچوونی بەکارهێنەران