مامۆستایێکی زانکۆ: ئەردۆغان داوا لە وڵاتانی ڕۆژئاوایی دەکات پشت لە کورد بکەن
پوختەی هەواڵ
کوردپرێس:
پڕۆفیسۆر ئەمین سایکاڵ مامۆستای زانکۆی ڕۆژئاوای ئوسترالیا باسی ئەوە دەکات کە تورکیا بە توندی لە وڵاتانی ڕۆژئاوایی دوور کەوتۆتەوە و بە ڕێژەیێکی بەرچاو پشتی بە ڕووسیا و چین بەستووە.
ئەو مامۆستایەی زانکۆ بە گۆڤاری سەربازیی دیفنس کنکتی وتووە تورکیا لە ژێر دەسەڵاتی ئەردۆغان ڕۆژ لە دوای ڕۆژ لە ڕۆژئاوا دوورتر دەکەوێتەوە و لە دوو زلهێزی چین و ڕووسیا نزیک دەبێتەوە.
ناوبراو بەشێک لە ناکۆکی و ململانێی نێوان تورکیا ڕۆژئاوا بۆ کاروباری ناوخۆی تورکیا و کوردەکان دەگێڕێتەوە و دەڵێت ئەردۆغان داوای لە ڕۆژئاوا کردووە کە هەندێک بابەتی وەک سەرکوت کردنی دژبەرانی ناوخۆ و هەروەها کوردەکان لە عێراق و سووریا پشتگیریی ئەو وڵاتە بکەن.
مامۆستاکەی زانکۆی ڕۆژئاوای ئوسترالیا دەشڵێت ئەردۆغان داوای لە وڵاتانی ڕۆژئاوایی کردووە کۆتایی بە هاوکاری کردنیان لەگەڵ کوردەکانی عێراق وسووریا بهێنن و پشتیان لێ بکەن چوونکە لە ڕوانگەی تورکیاوە هاوکارییەکان دەچێتە خانەی هاندانی کورد بۆ سەربەخۆیی.
بۆچوونی بەکارهێنەران