مەسعوود بارزانی و باڵیۆزی بریتانیا هەڵبژاردنەکانی عێراقیان تاوتوێ کرد
پوختەی هەواڵ
بەشی عێراق و هەرێمی کوردستان- مەسعوود بارزانی، ئهمڕۆ پێنجشەممە لە سەلاحەددین پێشوازیی لە "مارک بریسۆن ریچاردسۆن"، باڵیۆزی بریتانیا لە عێراق و شاندێکی یاوەری کرد.
بەپێی هەواڵی کوردپرێس، لە دیدارەکەدا بارودۆخی سیاسیی عێراق و بەڕێوەچوونی ھەڵبژاردنی ئەنجومەنی نوێنەرانی عێراق و قۆناغی دوای ھەڵبژاردن تاوتوێ کران.
ھەر لەو کۆبوونەوەیەدا ھەردوولا پڕۆسەی ھەڵبژاردنیان بە سەرکەوتوو وەسف کرد و ھیوای ئەوەیان خواست کە ئەنجامەکانی ھەڵبژاردن ببێتە دەستپێکی قۆناغی تازە کە تێیدا سەقامگیری سیاسی بێتەدی و بەرژەوەندی گشتی و خواستی ھاووڵاتیان و دەنگدەران جێبەجێ بکرێ.
لە بەشێکی دیکهی ئەو دیدارەدا باڵیۆزی بریتانیا لە عێراق پاڵپشتی وڵاتەکەی بۆ ھەرێمی کوردستان و چاکسازییەکانی وەزارەتی پێشمەرگە، ھەروەھا ھەماھەنگی نێوان ھێزی پێشمەرگەی کوردستان و ھێزە عێراقییەکان دووپات کردەوە.
بۆچوونی بەکارهێنەران