لە ناوچەی کەلار هێزێکی چەکداری هێرشی کردە سەر بنکەی هێزێکی پێشمەرگە
پوختەی هەواڵ
بەشی عێراق و هەرێمی کوردستان- لەرێگەیەکى نێوان شارۆچکەى کفرى و کەلار و لە هێرشێکى هێزێکى چەکدارى نەناسراودا دوو هاووڵاتى کوژران کەیەکێکیان پیشەى پۆلیسە و هاوڵاتییەکى تر بریندار بوو.
بەپێی هەواڵی کوردپرێس، لەمبارەوە بەرپرسی كۆمیتەی یەکێتی لەكفری بە ئێن ئاڕ تی راگەیاندووە "لە هێرشى هێزە چەکدارەکەدا دوو هاوڵاتى کوژراون و یەکێکى تر بریندار بوو".
ئاماژەى بەوەش کرد "چەكدارەكان كەتەقەیان كردووە جلی سەربازیان لەبەر بووە و ١٠ بۆ ١٥ كەس بوون و ریشیان درێژ بووە".
وتیشى "ئێستا ئاسایش كەوتووەتە دوایان، چەكدارەكان بەرەو ناحیەی ئاوە سپی هەڵهاتوون".
ئێن ئاڕتى ئاماژەى بەوە کرد "هێزە چەکدارەکە بازگەیێکى داناوە و تەقەیان کردووە و لەئێستاشدا تەرمى یەکێک لە کوژراوەکان گەیشتووتە نەخۆشخانەى کەلار".
بۆچوونی بەکارهێنەران