نوێنەری تایبەتی نەتەوە یەکگرتووەکان لە عێراق: جێبەجێ کردنی رێککەوتنی شنگال لە بەرژەوەندیی هەموو عێراقە
پوختەی هەواڵ
بەشی عێراق و هەرێمی کوردستان- پلاسخارت گوتی: "جێبەجێ کردنی رێککەوتنەکە لە بەرژەوەندی خەڵکی شنگال و نەینەوا و هەموو عێراقە".
بەپێی هەواڵی کوردپرێس، جێنین هێنس پلاسخارت نوێنەری تایبەتی نەتەوە یەکگرتووەکان لە عێراق بە تەلەفزیۆنی کوردستانی 24ی رایگەیاند، داوا لە حکوومەتی بەغدا و حکوومەتی هەرێمی کوردستان دەکەم کار بکەن بۆ جێبەجێ کردنی رێککەوتنی شنگال.
نوێنەری تایبەتی نەتەوە یەکگرتووەکان لە عێراق گوتیشی: "رێککەوتنی شنگال زۆر گرنگە، بەداخەوە بەرەوپێشچوونێکی کەم لە جێبەجێ کردنیدا دەبینین. داوا لە لایەنەکان، لە بەغدا و هەولێر و ئەوانەشی لە ناوچەکەن دەکەم، هەوڵەکانیان خێراتر بکەن بۆ جێبەجێ کردنی رێککەوتنەکە".
کۆدی هەواڵنێر: 60113
بۆچوونی بەکارهێنەران