بەپێی هەواڵی کوردپرێس، پێشتر سەرچاوەیەک لە بنەماڵەی خورشید هەرکی ڕاگەیاند، برایەکی خورشید هەرکی، کە ناسراوە بە (ڕەشید هەرکی)، تا کاتژمێر هەشتی ئەمشەو موڵەتی داوە بە حکوومەت، کە ئەگەر خورشید و حەیدەر ئازاد نەکرێن، ئەوا هێرشدەکرێتە سەر تەواوی دامودەزگاکانی حکوومەت، بە تایبەت پاڵاوگەکانی لانـاز و کار.

هەر لەمبارەوە تۆڕی میدیایی ئێستای بڵاوی کردەوە: تا دێت هێزێکی زۆر لە عەشیرەتی هەرکی ڕوودەکەنە ماڵی خورشید هەرکی، پاش ئەم ئاگادارکردنەوەیە، پارتی بە چەکی قورس هێزێکی زیاتر دەنێرێت بۆ قەزای خەبات و گردەڕەش، هەروەها ئەگەری ڕووبەڕووبوونەوە هەیە.

سەرچاوەیەک ئاشکرایکرد، هێزێکی زۆری پارتی گەمارۆی ناحیەی گردەسێن، گوندەکانی سنووری قەزای ئاکرێ، گوندی جەلا، مام داویدا، تلبۆکێ، نیاوک، گرگۆران، گلینە و خرپییان داوە.

ئەو سەرچاوەیە ئاماژەشی بەوەدا کە، سەرجەم ئەو ناوچانە خەڵکی عەشیرەتی هەرکیی تیایاندا نیشتەجێن.