هێزەکانی سووریا دیموکرات لە جێبەجێ کردنی ڕێککەوتنی ۱۰ ئازار زۆر خاو بوون
پوختەی هەواڵ
ئەسعەد شەیبانی وەزیری دەروەی حکوومەتی کاتیی سووریا ڕایدەگەیەنێت: هەسەدە زۆر خاوە و تا ئێستا هەنگاوی کرداری نەنراوە بۆ جێبەجێکردنی رێککەوتنی ۱۰ی ئازار.
بەپێی هەواڵی کوردپرێس، وەزیرانی دەرەوەی تورکیا و سووریا کۆنگرەیەکی ڕۆژنامەوانیدا کە لە ئەنقەر بەڕێوە چوو ئامادە بوون و ئەسعەد شەیبانی وەزیری دەرەوەی حکوومەتی کاتیی سووریا وتی: دابەشکردن بە هەر شێوەیەک لە شێوەکان ڕەت دەکەینەوە و سووریا یەک دەوڵەتی یەکگرتووە.
ناوبراو وتیشی: گفتوگۆکان لەگەڵ (هەسەدە) بۆ جەختکردنەوەیە لەسەر پابەندبوون بە رێککەوتنی ۱۰ی ئازارو یەکێتیی خاکی سووریا.
ئەسعەد شەیبانی ڕاشیگەیاند: هەسەدە زۆر خاوە لە هەڵگرتنی هەنگاوی پێویست و تاوەکوو ئەمڕۆ نەگەیشتوینەتە هەنگاوی کرداریی بۆ جێبەجێکردنی رێککەوتنی ۱۰ی ئازار.
لایخۆیەوە، هاکان فیدان وەزیری دەرەوەی تورکیا ڕایگەیاند: دەبێت هێزەکانی سووریای دیموکرات (SDF) پابەند بێت بە بەڵێنەکانی بەوشێوەی کە خزمەت بە یەکێتیی سووریا دەکات.
#سووریا
#کوردپرێس
#کورد
#ئیدارەی نوێی سووریا
#ڕۆژئاوا
#کوردستانی سووریا
#هەسەدە
#وەزیری دەرەوەی تورکیا
#هاکان فیدان
#شەڕی سووریا
#وەزیری دەرەوەی سووریا
#ئەسعەد حەسەن شەیبانی
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران