وەزارەتی ناوخۆی هەرێمی کوردستان لەبارەی خۆپیشاندانی وەرتێ ڕوونکردنەوەیێکی بڵاو کردەوە
پوختەی هەواڵ
وەزارەتی ناوخۆی حکوومەتی هەرێمی کوردستان دەڵێت: لایەنە پەیوەندیدارەکان ڕاسپێدراون بۆ لێکۆڵینەوە و گرتنەبەری ڕێکاری یاسایی لەسەر گیان لەدەست دانی خۆپیشاندەرێک لە سنووری شارەدێی وەرتێ.
بەپێی هەواڵی کوردپرێس، دووشەممە، ۱۴ـی تەمووزی ۲۰۲۵، وەزارەتی ناوخۆی حکوومەتی هەرێمی کوردستان ڕایگەیاند: شەوی ڕابردوو، بەهۆی گردبوونەوە و خۆپیشاندانی بەشێک لە هاووڵاتییانی سنووری شارەدێی وەرتێ لە ئیدارەی سەربەخۆی سۆران، لە ئەنجامی گرژیدا هاووڵاتییێک بەناوی حەسەن ڕەحمان گیانی لەدەستدا.
وەزارەتی ناوخۆ ئاماژەی بەوەکردووە، دەستبەجێ لایەنە پەیوەندیدارەکان ڕاسپێردراون بۆ لێکۆڵینەوەکردن و گرتنەبەری ڕێکاری یاسایی.
وەزارەتی ناوخۆ جەخت لەوە دەکاتەوە، هاووڵاتیان و کەسوکاری قوربانییەکە دڵنیا دەکەینەوە کە مافی هەموو لایێک پارێزراو دەبێت و لە دادگا رێکاری یاسایی جێبەجێ دەکرێت.
#کوردپرێس
#کورد
#کوردستان
#خۆپیشاندان
#وەزارەتی ناوخۆی هەرێم
#وەزارەتی ناوخۆی حکوومەتی هەرێمی کوردستان
#شارەدێی وەرتێ
#وەرتێ
#حەسەن ڕەحمان
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران