پەرلەمانی ئێران پڕۆژە یاسای ڕاگرتنی هاوكاری لەگەڵ IAEA تاوتوێ دەکات
پوختەی هەواڵ
سەرۆكی پەرلەمانی ئێران ڕایگەیاند: پەرلەمان پڕۆژە یاسایێک بۆ ڕاگرتنی هاوكاریی ئێران لەگەڵ ئاژانسی نێودەوڵەتی وزەی ئەتۆمی تاوتوێ دەکات.
بەپێی هەواڵی کوردپرێس، محەمەدباقر قاڵیباف، سەرۆكی پەرلەمانی ئێران لەمیانی وتارێكدا لە دانیشتی گشتیی پەرلەمان ڕایگەیاند: هەوڵ دەدەن لە مەجلیسدا پڕۆژە یاسایێک پەسەند بکەن کە هاوکاری ئێران لەگەڵ ئاژانسی نێودەوڵەتی وزەی ئەتۆمی ڕابگرێت، تا ئەو کاتەی کە گەرەنتی بۆ ڕەفتاری پیشەیی ئەو ڕێکخراوە نێودەوڵەتییە دەبێت.
قاڵیباف ئاماژەی بەوەش كرد، بەگوێرەی فەتوا ڕێبەری باڵا، ئێران هیچ پلانێکی بۆ چالاکیی ئەتۆمی نائاشتیانە نییە، بەڵام جیهان بە ڕوونی تێبینی ئەوەی کردووە کە ئاژانسی نێودەوڵەتی وزەی ئەتۆمی هیچ کام لە ئەرکەکانی خۆی جێبەجێ نەکردوە و بوەتە ئامرازێکی سیاسی.
#ئێران
#کوردپرێس
#ئەمریکا
#محەمەد باقر قاڵیباف
#ئیسرائیل
#پەرلەمانی ئێران
#هێرشی ئیسرائیل بۆسەر ئێران
#هێرشی ئەمریکا
#ئاژانسی نێودەوڵەتی وزەی ئەتۆمی
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران