بەپێی هەواڵی کوردپرێس، ترەمپ لەبارەی سزاکانی سەر سووریا وتی: "دەتوانین سزاکان لەسەر سوریا لابدەین، چونکە دەمانەوێت دەستپێکی نوێیان پێبدەین."

ترەمپ هەروەها گوتی، بە لەبەرچاوگرتنی ئەو دۆخەی هەیە: "ئیدارەکەم یەکەمین هەنگاوەکانی ناوە بە ئاراستەی ئاساییکردنەوەی پەیوەندی لەنێوان ویلایەتە یەکگرتووەکانی ئەمریکا و سووریا، بۆ یەکەمجار لە ماوەی دەیەیەکدا. بە خۆشحاڵییەوە رایدەگەیێنم کە مارکۆ رۆبیۆ، وەزیری دەرەوە لەگەڵ ئەسعەد شەیبانی، وەزیری دەرەوەی نوێی سووریا لە رۆژانی دوایی ئەم هەفتەیە لە تورکیا کۆ دەبێتەوە."

ترەمپ ئەوەشی ئاشکرا کرد کە لەلایەن رەجەب تەیب ئەردۆغان، سەرۆکی تورکیاوە پرسیاری سزاکانی سەر سووریای لێکراوە و گوتیشی: "زۆر کەس لەوبارەیەوە پرسیاریان لێکردووم، چوونکە ئەو شێوازەی کە ئێمە سزامان بەسەردا سەپاندوون، دەرفەتی ئەوتۆیان ناداتێ، هەربۆیە دەمانەوێت یارمەتییان بدەین."