پێشوازیی ئێران لە بڕیاری خۆهەڵوەشاندنەوەی پەکەکە
پوختەی هەواڵ
وەزارەتی دەرەوەی ئێران رایگەیاند، ئێران پێشوازی لە بڕیاری چەکدانان و خۆهەڵوەشاندنەوەی پارتی کرێکارانی کوردستان دەکات.
بەپێی هەواڵی کوردپرێس، ئەمڕۆ سێشەممە، ۱۳ـی ئایاری ۲۰۲۵، ئیسماعیل بەقایی، وتەبێژی وەزارەتی دەرەوەی ئێران، هەڵوێستی فەرمیی ئێرانی لەبارەی بڕیاری پەکەکە بۆ خۆهەڵوەشاندنەوە و دانانی چەک ئاشکرا کرد.
ئیسماعیل بەقایی رایگەیاند، ئێران پێشوازی لە بڕیاری چەکدانان و خۆهەڵوەشاندنەوەی پەکەکە دەکات و جەختی کردەوە: "ئێمە ڕاگەیێندراوی خۆهەڵوەشاندنەوەی پەکەکە بە هەنگاوێکی گرنگ دەزانین بۆ رەتکردنەوەی تووندوتیژی و پتەوکردنی ئاسایش".
بەقایی هەروەها دەڵێت: "هیوادارین تەواوبوونی ئەم پرۆسەیە ببێتە هۆی بەرەوپێشبردنی سەقامگیری و ئاشتی لە تورکیا و ناوچەکە".
#ئێران
#تورکیا
#کوردپرێس
#کورد
#کوردستان
#خۆهەڵوەشاندنەوەی پەکەکە
#پەکەکە
#پارتی کرێکارانی کوردستان
#وتەبێژی وەزارەتی دەرەوەی ئێران
#ئیسماعیل بەقایی
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران