بۆ پارێزگاری کردن لە پێگەی کورد لە بەغدا پێویستمان بە کاری هاوبەش و پێکەوەییە
پوختەی هەواڵ
ئەمینداری گشتی یەکگرتووی ئیسلامیی کوردستان و سەرۆکی بەرەی گەل کۆ بوونەوە و جەختیان کردەوە لەسەر: "کاری هاوبەش و پێکەوەیی لەپێناو پارێزگاری کردن لە سەنگ و پێگەی کورد لە بەغدا".
بەپێی هەواڵی کوردپرێس، سەلاحەدین محەمەد بەهائەدین، ئەمینداری گشتی یەکگرتووی ئیسلامیی کوردستان، لەبارەگای تایبەتی خۆی لە شاری سلێمانی، بەیاوەری ژمارەیەک لە ئەندامانی مەکتەبی سیاسی و سەرکردایەتی، پێشوازیی کرد لە لاهور شێخ جەنگی، سەرۆکی بەرەی گەل و شاندی یاوەری.
بەپێی ڕاگەیەنراوی کۆبوونەوەکە، لە دیدارێکدا گفتوگۆ کرا دەربارەی دۆخی ئێستای هەرێمی کوردستان و دۆخی سیاسی ناوچەکە و پرۆسەی ئاشتی تورکیا و سووریا.
هەر بەپێی ڕاگەیەنراوەکە، گفتوگۆ کرا دەربارەی پرسی هەڵبژاردنەکانی پەرلەمانی عێراق، کە بڕیارە لە مانگی 11ی ئەمساڵ بەڕێوەبچێت و هەردوولا جەختیان کردەوە لەسەر "کاری هاوبەش و پێکەوەیی لەپێناو پارێزگاری کردن لە سەنگ و پێگەی کورد لە بەغدا".
#کوردپرێس
#کورد
#کوردستان
#لاهوور شێخ جەنگی
#هەولێر
#بەغدا
#سلێمانی
#یەکگرتووی ئیسلامیی کوردستان
#سەلاحەدین بەهائەدین
#بەرەی گەل
#ئەمینداری گشتیی یەکگرتووی ئیسلامی
#سەرۆکی بەرەی گەل
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران