نێچیرڤان بارزانی: پڕۆسەی ئاشتی دەرفەتێکە و پێویستە کارابکرێتەوە
پوختەی هەواڵ
سەرۆکی هەرێمی کوردستان لە کۆبوونەوەیدا لەگەڵ سەرۆک کۆماری تورکیا جەختی لە کاراکردنەوەی پڕۆسەی ئاشتی بۆ چارەسەری پرسی کورد لە تورکیا کردووەتەوە.
بەپێی هەواڵی کوردپرێس، نێچیرڤان بارزانی، سەرۆکی هەرێمی کوردستان لەگەڵ رەجەب تەییب ئەردۆغان، سەرۆک کۆماری تورکیا لە پەراوێزی کۆڕبەندی دیپلۆماسیی ئەنتاڵیا کۆ بووەوە و لە پۆستێکدا لە تۆری کۆمەڵایەتیی ئێکس نووسیوویەتی: "کۆبوونەوەیێکی زۆر بەرهەمدارم لەگەڵ سەرۆک ئەردۆغان هەبوو، جەختم لە گرنگیی کاراکردنەوەی پڕۆسەی ئاشتی لە تورکیا وەک ڕێگەیێک بەرەو سەقامگیری و ئاشتیی بەردەوام کردەوە."
لە درێژەی پۆستەکەیدا دەشڵێت: "دووپاتم کردەوە کە پێویستە سوود لەم دەرفەتە مێژووییە وەربگیرێت و دەبێت پەکەکەش بە شێوەیەکی ئەرێنی وەڵامی بانگەوازەکەی بەڕێز ئۆجەلان بداتەوە."
سەرۆکی هەرێمی کوردستان دەشڵێت: "هەروەها باسی کۆبوونەوەی ئەم دواییانەی سەرۆک ئەردۆغان و شاندی دەم پارتی و گرنگییەکەی بۆ گفتوگۆ و ئاشتی کرد."
گالەری وێنەکان
#کوردپرێس
#ڕەجەب تەییب ئەردۆغان
#کورد
#کوردستان
#عەبدوڵڵا ئۆجەلان
#پەکەکە
#پڕۆسەی ئاشتی
#نێچیرڤان بارزانی
#سەرۆکی هەرێمی کوردستان
#ئەردۆغان
#کۆڕبەندی دیپلۆماسیی ئەنتاڵیا
#ئەنتاڵیا
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران