پارێزگاری هەولێر نەیهێشت لە هەولێر گردبوونەوە بۆ پشتگیریی غەززە ئەنجام بدەین
پوختەی هەواڵ
کۆمەڵی دادگەری و یەگرتووی ئیسلامی ڕایدەگەیێنن: بەنیازبووین ڕۆژی شەممە لە هەولێر بۆ پاڵپشتی لە غەززە گردبوونەوە ئەنجام بدەین، بەڵام لایەنی پەیوەندیدار ڕێگری لێکردووین.
بەپێی هەواڵی کوردپرێس، کۆمەڵی دادگەری و یەکگرتووی ئیسلامیی کوردستان لە میانی ڕاگەیەنراوێکدا بڵاویان کردوە: "وا بڕیارماندابوو رۆژی شەممە لە بەردەم پارکی شاندەر گردبوونەوەیێکی جەماوەری لە دژی کۆمەڵکوژی لە غەززە ئەنجام بدەین و بەشێوەیێکی یاسایی لایەنە پەیوەندیدارەکانمان ئاگادارکردوەتەوە، بەڵام بە پاساوی نەگونجانی بارودۆخەکە داواکەیان ڕەتکردینەوە".
لە درێژەی ڕاگەیەنراوەکەشیاندا ئەو دوو پارتە سیاسییە دەڵێن: "ڕێگای مەدەنی تر دەگرینەبەر بۆ دەربڕینی هاوسۆزیی و پاڵپشتیی، وەكوو رووماڵی میدیایی و گەیاندنی كۆمەک و هەر رێگایێكی تری مەدەنی".
بۆچوونی بەکارهێنەران