دەنگۆی ئازاد کردنی دەمیرتاش ڕەت کرایەەوە
پوختەی هەواڵ
دوای ئەوەی دەنگۆی ئازادکردنی سەلاحەدین دەمیرتاش، هاوسەرۆکی پێشووتری هەدەپە بڵاو بووەوە، وەزیری دادی تورکیا ئەو دەنگۆیانە ڕەت دەکاتەوە.
بەپێی هەواڵی کوردپرێس، ڕۆژنامەنووسێکی تورکیا لە پەخشی ڕاستەوخۆی بەرنامەکەیەدا لەزاری یڵماز تونچ، وەزیری دادی تورکیا وتی: "سەلاحەدین دەمیرتاش سزای زیندانی کردنی ۱۰ ساڵەی یەکلاکەرەوەی هەیە بەهۆی ئەوەی ئەندامی رێکخراوێکی تیرۆریستییە، چۆن ئازاد دەکرێت؟".
بەوتەی ڕۆژنامەنووسەکە، وەزیری ناوخۆی تورکیا ئاماژەی بەوەش داوە کە ئازادکردنی دەمیرتاش لە کارنامەی ئەواندا نییە.
پێشکێشکاری بەرنامەکە ئاماژەی بەوەشدا، لەگەڵ سەرچاوەکانی دەم پارتی پەیوەندیی تەلەفۆنی کردووە و پێیانگوتووە، "دەنگۆیێکی لەو شێوەیەیان پێگەیشتووە، بەڵام ناتوانن پشتڕاستی بکەنەوە".
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران