بە هاوکاریی هەسەدە و هێزە ئەمریکییەکان سەرکردەیێکی داعش دەستگیر کرا
پوختەی هەواڵ
سێنتکۆم بڵاویکردەوە، بە هاوکاری ئەوان، هەسەدە توانی سەرکردەیێکی داعش لە سنووری پارێزگای دێرەزووری سووریا دەستگیر بکات.
فەرماندەیی ناوەندیی سوپای ئەمریکا لە ئێکس بڵاویکردەوە: "ڕۆژی ۶ـی ئادار، لە ناوچەی شحێل لە سنووری پارێزگای دێرەزوورە هەسەدە بە هاوکاریی هێزەکانی سێنتکۆم ئۆپەراسیۆنێکی کرد و توانی سەڵاح محەممەد عەبدوڵـڵا، سەرکردەی داعش دەستگیر بکات".
سێنتکۆم دەشڵێت، لەو هەڵمەتەدا هەسەدە دەستی بەسەر قەناسێکی ۱۲.۷ ملم، چەکێکی ئەی کەی ۴۷، ژمارەیێک نارنجۆک و چەند پارچە چەکێکی دیکەدا گرت.
بە گوێرەی ڕاگەیێندراوەکە، هەڵمەتەکەی هەسەدە بەشێکە لە کەمپەینی دژی داعش و دژی گەڕانەوەی گرووپە تیرۆریستییەکانە بۆ ناوچەکە. هەروەها، سێنتکۆم بە دابین کردنی پاڵپشتی تەکنیکی و هەواڵگری هاوکاری هەسەدەی کرد.
#کوردپرێس
#کورد
#کوردستان
#داعش
#هەسەدە
#هێزەکانی سووریای دیموکرات
#سێنتکام
#سەرکردەی داعش
#دێرەزوور
#فەرماندەیی ناوەندیی ئەمریکا
#سێنتکۆم
#شحێل
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران