ئەحمەد شەرع سەردانی سعوودیە دەکات

پوختەی هەواڵ

سەرۆکی قۆناخى ڕاگوزەری سووریا بڕیارە یەکەمین سەردانی بۆ دەرەوەی وڵات ئەنجام بدات و لەگەڵ محەمەد بن سەلمان، شازادەی جێنشینی سعوودیە کۆ دەبێتەوە.

بەپێی هەواڵی کوردپرێس، تۆڕی هەواڵی سکای نیووز، لە زاری سەرچاوەیێکی ئاگاداری سعوودییەوە بڵاویکردەوە: "ئەحمەد شەرع سەرۆکی قۆناخى ڕاگوزەری سووریا ئەمڕۆ یەکشەممە بە سەردانێکی فەرمی دەگاتە سعوودییە".

ئاماژەی بەوەش کرد، "ئەحمەد شەرع لە میانەی سەردانەکەی بۆ سعوودییە لەگەڵ بەرپرسانی ئەو وڵاتە و محەمەد بن سەلمان، شازادەی جێنشینی سعوودیە کۆ دەبێتەوە".

ئەوە لەکاتێکدایە حەسەن عەبدولغەنی، وتەبێژی بەشی ئۆپەراسیۆنە سەربازییەکانی سووریا ڕۆژی چوارشەممە ڕابردوو، دەستنیشان کردنی ئەحمەد شەرعی وەک سەرۆک کۆمارى سووریا بۆ قۆناخى ڕاگوزەر ڕاگەیاند و سەلمان بن عەبدولعەزیز ئال سعوود، شای سعوودیە و محەمەد بن سەلمان شازادەی جێنشینی سعوودیە بەو بۆنەیەوە پیرۆزباییان لە ئەحمەد شەرع کرد.

#سووریا #کوردپرێس #کورد #کوردستان #سعوودیە #ئەحمەد شەرع #حکوومەتی ڕاگوزەر #قۆناغی ڕاگوزەر #سەرۆکی قۆناغی ڕاگوزەری سووریا

زیاتر بخوێنەوە

هەواڵی پێشوو و داهاتوو