سەرۆكی حكوومەتی هەرێم و كونسوڵی گشتیی ئێران پێکهێنانی حکوومەتی نوێی هەرێمیان تاوتوێ کرد

پوختەی هەواڵ

سەرۆكی حكوومەتی هەرێمی کوردستان و كونسوڵی گشتیی ئێران بەبۆنەی کۆتایی هاتنی ئەرکەکەیەوە کۆ بوونەوە و چەند بابەتیان تاوتوێ کرد.

بەپێی هەواڵی کوردپرێس، مەسروور بارزانی سەرۆکی حکوومەتی هەرێمی کوردستان پێشوازیی لە نەسروڵڵا ڕەشنوودی کونسولی گشتیی کۆماری ئیسلامی ئێران لە هەولێر کرد بە بۆنەی کۆتاییهاتنی ئەرکەکەی.

سەرۆکی حکوومەت سوپاسی کونسوڵی گشتیی کۆماری ئیسلامیی ئێرانی کرد و هیوای سەرکەوتنی لە ئەرکی داهاتووی بۆ خواست.
لە دیدارەکەدا بە گرنگیی ئاماژە بە سەردانی سەرۆکی کۆماری ئیسلامیی ئێران بۆ عێراق و هەرێمی کوردستان کرا، بەو هیوایەی ببێتە پەرەپێدانی زیاتری پەیوەندی دوولایەنە.

کونسولی گشتیی کۆماری ئیسلامیی ئێران لە هەولێر پیرۆزبایی سەرکەوتنی هەڵبژاردنی پەرلەمانی کوردستانی کرد و جەختی لە گرنگیی پێکهێنانی کابینەی نوێی حکوومەتی هەرێم کرد.

هەروەها پێزانینی بۆ هاریکاریی و هەماهەنگیی لایەنە پەیوەندیدارەکانی حکوومەتی هەرێمی کوردستان لەگەڵ کونسولخانەی وڵاتەکەی دەربڕی.