۵۰ زیندانیی دیکە لە حەسەکە ئازاد کران
پوختەی هەواڵ
له چوارچێوەی لێبووردنی گشتیدا، ئەنجوومەنی دادپەروەری کۆمەڵایەتی لە کوردستانی سووریا ۵۰ زیندانیی دیکەی ئازاد کرد.
بەپێی هەواڵی کوردپرێس، بەگوێرەی بڕیاری ئەنجوومەنی گەلانی دیموکراتی باکوور و ڕۆژهەڵاتی سووریا لە ۱۷ی تەمووزی ئەمساڵ بۆ لێبووردنی گشتی بە ئامادەبوونی نوێنەرانی نووسینگەی پەیوەندییە گشتییەکانی هێزەکانی ئاسایشی ناوخۆ و ڕیش سپیانی هۆزەکان، ئەو زیندانیانە ئازاد کران.
بەوپێیە ژمارەی زیندانییە ئازادکراوەکان دەبێتە هەزار و ۱۱۱ کەس، چاوەڕی دەکرێت لە ڕۆژانی داهاتوودا بەشێکی دیکەی لەو زیندانیانەی لێخۆشبوونیان وەرگرتووە ئازاد بکرێن.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران