بەهۆی دژایەتیی لایەنە سیاسییەکانەوە مانەوەی ڕێبوار تەها لە پۆستی پارێزگاری کەرکووک تا ئێستا ڕوون نییە
پوختەی هەواڵ
مەلا بەختیار ڕایدەگەیەنێت سەرۆکی یەکێتیی نیشتمانی خانەقینی کردووە بە قوربانیی کەرکووک و مانەوەی ڕێبوار تەهاش لە پۆستی پارێزگاری کەرکووک تاوەکوو ئێستا ڕوون نییە.
بەپێی هەواڵی کوردپرێس، مەلا بەختیار ئەندامی پێشووی ئەنجوومەنی باڵای بەرژەوەندییەکانی یەکێتی، لە چاوپێکەوتنێکدا لەگەڵ کەناڵی کوردستان ٢٤، ڕایگەیاند: "لە پێکهێنانی حکوومەتی خۆجێی کەرکووک غەدر لە خانەقین کراوە، ڕێککەوتن کراوە بۆ ئەوەی لەوێ هیچ پۆستێک بە کورد نەدرێت".
ناوبراو دەشڵێت: "خانەقین کراوە بە قوربانیی کەرکووک، مانەوەی ڕێبوار تەهاش لە پۆستی پارێزگاری کەرکووک تا ئێستا ڕوون نییە، چوونکە لایەنە سیاسییەکان ڕەتیان کردووەتەوە".
شایانی باسە شەوی شەممەی ڕابردوو لە بەغداد پارێزگار و سەرۆکی ئەنجومەنی پارێزگای کەرکووک هەڵبژێردران و ڕێبوار تەهاش بە پارێزگار و محەممەد حافزیش بە سەرۆکی ئەنجومەنی پارێزگای کەرکووک هەڵبژێردران، بەڵام لە کۆبوونەوەکەدا پارتی، بەرەی تورکمانی و ژمارەیەک ئەندامی عەرەبی ئەنجوومەنی پارێزگای کەرکووک بەشدار نەبوون.
بۆچوونی بەکارهێنەران