دژایەتیی ئەمریکا لەگەڵ بەڕێوەبردنی هەڵبژاردن لە ناوچەکانی کوردستانی سووریا
پوختەی هەواڵ
بەشی جیهان- وتەبێژی وەزارەتی دەرەوەی ئەمریکا ڕایگەیاند، ئێستا بارودۆخ بۆ بەڕێوبردنی هەڵبژاردن لە باکوور و ڕۆژهەڵاتی سووریا گونجاو نییە.
بەپێی هەواڵی کوردپرێس، ڤێدانت پاتێڵ وتەبێژی وەزارەتی دەرەوەی ئەمریکا، ڕایگەیاند وڵاتەکەی هەلومەرجی باکوور و رۆژهەڵاتی سووریا بۆ بەڕێوەبردنی هەڵبژادن بە گونجاو نابینێت.
هەروەها باڵیۆزخانەی ئەمریکا لە سووریا، لە زاری ڤێدانت پاتێڵ، گوتەبێژی وەزارەتی دەرەوەی ئەمریکاوە بڵاویکردەوە، هەر هەڵبژاردنێک لە سووریا بەڕێوەبچێت، پێویستە ئازاد و دادپەروەرانە بێت و بەگوێرەی بڕیاری ۲۲۵۴ی ئەنجومەنی ئاسایشی نەتەوەیەکگرتووەکان بێت.
ئەوە لەکاتێکدایە، بەڕێوەبەرایەتیی خۆسەر ڕایگەیاندووە، ڕۆژی ۱۱ـی حوزەیران هەڵبژاردنی شارەوانییەکان لە هەرێمی باکوور و ڕۆژهەڵاتی سووریا بەڕێوەدەبات.
شایانی باسە ڕۆژی پێنجشەممەی ڕابردوو ڕەجەب تەییب ئەردۆغان سەرۆککۆماری تورکیا هەڕەشەی ئەوەی کردبوو، رێگا نادەن هەڵبژاردن لە باکوور و رۆژهەڵاتی سووریا بەڕێوەبچێت.
بۆچوونی بەکارهێنەران