بەپێی هەواڵی کوردپرێس، میدیاى توركیا ئاشكرایكردوه‌، ئەو ئۆتۆمبیلەی کە تووشی ڕووداوەکە بووە، دەوریەی گوندی یەسیل بولاک، سەر بەناوچەی باشکال، کە دەکەوێتە سەر سنووری ئێران لە شاری وان لە ڕۆژهەڵاتی تورکیا، هەبووە و دەسەڵاتدارانی ئه‌منى تورکیاش ئەوەشیان‌خستەڕوو، شۆفێرەکە کۆنترۆڵی ئۆتۆمبێلەکەی لەدەست‌داوە، بۆیە وەرگەڕاوە.

باس له‌وه‌ده‌كرێت، سەربازە بریندارەکان بە ئەمبولانس گواستراونەتەوە بۆ نەخۆشخانەی حکوومەتی باشکل ‌و ئەو شه‌ش سەربازەی برینەکانیان سەختە بۆ نەخۆشخانەی مەشق ‌و توێژینەوەی ناوچەی وان گواستراونەتەوە.

لای خۆیانەوە، دەسەڵاتدارانی ئه‌منى تورکیا، دەستیان بە لێکۆڵینەوەی هۆكارى ڕووداوەکە کردووە بۆ ئەوەی دڵنیا ببنەوە، ئایا بەهۆی هێرشی پارتی کرێکارانى كوردستان (په‌كه‌كه‌)وه‌ بوە یاخود ڕووداوى هاتوچۆ.