نەخشەرێگەیەكی نوێ بۆ پەیوەندی نێوان هەولێر و بەغدا داڕێژراوە
پوختەی هەواڵ
بەشی عێراق و هەرێمی کوردستان- سەرۆكی هەرێمی كوردستان داوا دەکات بەغداد پابەندییەكانی بەرامبەر هەرێمی كوردستان جێبەجێبكات.
بەپێی هەواڵی کوردپرێس، نێچیرڤان بارزانی، سەرۆكی هەرێمی كوردستان لە گوتەیەكدا لە سیمپۆزیۆمی وشكەساڵی و گۆڕانی كەشوهەوا لە شاری هەولێر لەبارەی پەیوەندییەكانی نێوان هەرێمی كوردستان و بەغداد ڕایگەیاند: "لە سەردانی ئەم دواییەم بۆ بەغداد و كۆبوونەوەم لەگەڵ بەرپرسانی حكوومەت و لایەنە سیاسییەكان، نەخشەرێگەیەكی نوێمان بۆ پەیوەندی نێوان هەردوولا داڕشتووە، كە دەبێتە هۆی چارەسەركردنی كێشە هەڵپەسێردراوەكانی نێوان هەرێمی كوردستان و عێراق".
بارزانی جەختی لەوەشكردەوە، "بۆ چارەسەركردنی كێشەكان حكوومەتی هەرێمی كوردستان هەنگاوی زۆر باشی ناوە، ئێستاش كاتی ئەوەیە حكوومەتی عێراق پابەندییەكانی خۆی بەرامبەر حكوومەتی هەرێمی كوردستان جێبەجێبكات.
بۆچوونی بەکارهێنەران