کەسایەتی نزیک لە نێچیرڤان بارزانی: هەڵبژاردنی پەرلەمانی کوردستان دواخرا
پوختەی هەواڵ
بەشی عێراق و هەرێمی کوردستان- عادل باخەوان توێژەر و کەسایەتى نزیک لە سەرۆکى هەرێمى کوردستان رایگەیاند، هەڵبژاردنى پەرلەمانى کوردستان بۆ مانگى ١٠ دواخرا.
بەپێی هەواڵی کوردپرێس، عادل باخەوان، توێژەر و کەسایەتى نزیک لە نێچیرڤان بارزانى سەرۆکى هەرێمى کوردستان لە فەیسبوکى خۆى نوسیویەتى: هەڵبژاردنى پەرلەمانى کوردستان بۆ مانگى ١٠ دواخرا.
قسەکانى ئەو کەسایەتییەى نزیک لە سەرۆکى هەرێم لەکاتێکدایە، نێچیرڤان بارزانى سەرۆکى هەرێمى کوردستان گەیشتە بەغدا بۆ کۆبوونەوە لەگەڵ بەرپرسانى عێراق و دواخستنى هەڵبژاردنى پەلەمانى کوردستان یەکێکە لە تەوەرەکانى کۆبوونەوەکانى.
پێشتر سەرۆکایەتى هەرێم ڕۆژى ١٠ى حوزەیرانى بۆ ئەنجامدانى هەڵبژاردنى پەرلەمانى کوردستان دیاریکرد، بەڵام پارتى دیموکراتى کوردستان بایکۆتى هەڵبژاردنى ڕاگەیاندووە و کۆمیسیۆنى باڵاى سەربەخۆى هەڵبژاردنەکانى عێراقیش بەردەوامە لە ئامادەکارییەکانى بۆ ئەنجامدانى هەڵبژاردن.
بۆچوونی بەکارهێنەران