بەپێی هەواڵی کوردپرێس، ڕزگار حاجی حەمە، لێپرسراوی دەزگای هەڵبژاردنی یەکێتیی نیشتمانیی کوردستان ئاشکرای کرد بافڵ جه‌لال تاڵه‌بانى سەرۆکی قەوارەی یەکێتي دەبێت بۆ هەڵبژاردن و ئامانجی یەکێتیی گۆرانکارییە لە هەموو سێکتەرەکان و ده‌ڵێت لەنێو حزب و حکوومەت و هەموو ئەو هەڵبژاردنانەی دێنە پێشەوە بایەخ بەگەنجان دەدەین.

لێپرسراوی دەزگای هەڵبژاردنى یه‌کێتی باسى له‌وه‌شکرد، ئه‌وان لەگەڵ نوێنەری ڕاستەقینەی پێکهاتەکانن و ئەو ڕێژەی دیاریکراوە ناعەدالەتی تێدابووە، بەجۆرێک لەماوەی 31 ساڵی ڕابردوو لە سلێمانی یەک کاندیدی کریستیان دەرنەچووە و قۆرخکراوبووه‌ و نوێنەری ڕاستەقینەی خۆیان دەرنەچوونە.

ڕزگار حاجى حه‌مه‌، ڕوونیشى ده‌کاته‌وه‌، ئێمە لەو نوێنەرانەی کۆتاکان کە لە پەرلەمانی کوردستان بوون، زۆر خەمخۆرتر و پەرۆشتری پێکهاتەکانین، لەهەر چوار پارێزگاکە ئەگەر بیانەوێت لەگەڵ ئێمە خۆیان کاندید بکەن دەتوانن و ئێمە ئامادەین.