پێكدادانی توند لە نێوان دوو میلیشیای لایەنگری تورکیا لە سووریا ڕوویدا
پوختەی هەواڵ
بەشی سووریا- پێكدادانی توندی لەنێوان ئەندامانی میلیشیا لایەنگرەکانی تورکیا لە کەمپێکی نزیک شاری ئەعزاز لە باکووری حەلەب ڕوویدا و بەهۆیەوە چەند کەسێک کوژران و بریندار بوون.
بەپێی هەواڵی کوردپرێس، سەرچاوەیەکی خۆجێیی بە نۆرس پرێسی ڕاگەیاندووە: ئێوارەی دوێنێ لە کەمپی یەحمولی نزیک شاری ئەعزاز لە باکووری حەلەب لە نێوان دوو بنەماڵەدا پێکدادانێکی توند ڕوویداوە، دواتر پەرەی سەندووە بۆ پێکدادانی نێوان میلیشیای عاسیفەی شیمال و فیرقەی ۵۰ ی بەرەی شامییە .
ئەو سەرچاوەیە ئاماژەی بەوەشکرد پێکدادانەکان بۆ ماوەی نزیکەی کاتژمێرێک بەردەوام بوون، لە ئەنجامدا سێ کەس کوژراون کە ژنێکیان لە نێودابوو هەروەها چوار کەسی دیکەش برینداربوون كە یەكێكیان منداڵە.
بۆچوونی بەکارهێنەران