بەپێی هەواڵی کوردپرێس، هه‌ریه‌که‌ له‌ غالب محەمەد، ئه‌ندامی خولی پێشووی په‌رله‌مانی عێراق و عەلی حەمە ساڵح، ئه‌ندامی خولی پێنجه‌می په‌رله‌مانی کوردستان له‌ په‌یامێکدا بۆ بافڵ تاڵەبانی، سه‌رۆکی یه‌کێتی و قوباد تاڵەبانی، جێگری سه‌رۆک وه‌زیرانی هه‌رێم ده‌ڵێن، "بە هێزە ئەمنیەکانتان بڵێن: دەست لە هەڕەشەکردن و دەستگیرکردنی مامۆستایانی ناڕازی و دەنگی ناڕازی هەڵبگرن".

ئاماژه‌ به‌وه‌ش ده‌که‌ن، سبەی مامۆستایان و فەرمانبەران بۆ داواکردنی مافی ڕەوای خۆیان خۆپیشاندان ئەنجام دەدەن، "لەبری گوێگرتن لە داوا ڕەواکانیان  و جێبەجێ کردنیان، هێزە ئەمنیەکانتان دەستگیریان دەکەن و هەڕەشەیان لێدەکەن".

ئه‌و دو په‌رله‌مانتاره‌ی پێشوو ده‌ڵێن، "خۆتان باش دەزانن خەڵکی سنووری پارێزگای سلێمانی هەرگیز نەترساوە، بۆیە لێرەوە ڕایدەگەیەنین هەموو بەرپرسیاریەتیەک لە ئەستۆی ئێوەدایە".