لە هەولێر سێ درۆنی بۆمبڕێژکراو خرانە خوارەوە
پوختەی هەواڵ
بەشی عێراق و هەرێمی کوردستان- دژەتیرۆری کوردستان رایگەیاند، سێ درۆنی بۆمبڕێژکراو کە ئاراستەی فڕۆکەخانەی نێودەوڵەتیی هەولێر کرابوون خرانە خوارەوە.
بەپێی هەواڵی کوردپرێس، ڕۆژی سێشەممە، ۱۶-۰۱-۲۰۲۴، دژەتیرۆری کوردستان رایگەیاند، کاژێر ۰۵:۰۵ـی بەیانی ئەمڕۆ سێ درۆنی بۆمبڕێژکراو کە ئاراستەی بنکەی سەربازیی هاوپەیمانیی نێودەوڵەتیی دژی داعش لە فڕۆکەخانەی نێودەوڵەتیی هەولێر کرابوون، تێکشکێندران و خرانە خوارەوە.
ئاراستەکردنی درۆن بۆ سەر بنکەی سەربازیی هاوپەیمانیی نێودەوڵەتیی دژی داعش لە فڕۆکەخانەی نێودەوڵەتیی هەولێر لە کاتێکدایە، کاژێر ۱۱:۳۰ـی خولەکی شەوی دووشەممە، ۱۵-۰۱-۲۰۲۴، بە مووشەک هێرشکرایە سەر شاری هەولێر و بەهۆیەوە چوار کەس گیانیان لەدەستدا و ۱۷ـی دیکەش برینداربوون.
دوای مووشەکبارانەکە، سوپای پاسدارانی ئێران ڕایگەیاند، ئەوان هێرشەکەیان کردووە و ژمارەیەک شوێنی کردووەتە ئامانج کە بە"بنکەی تیرۆریستی" و گرووپە دژبەرەکانی ئێران و بنکەی مووساد بووە.
بۆچوونی بەکارهێنەران