بەپێی هەواڵی کوردپرێس، ئەمڕۆیش لە کۆیە مامۆستایان و وانەبێژان لە بەردەم پەوەردەی کۆیەدا گردبوونەتەوە و باس لەوەدەکەن، لە رێگای حزبەوە فشار لە بەڕێوەبەرەکان دەکرێت قوتابخانەکان بکەنەوە.

ئاماژە بەوەش دەکەن، "ئێمە مامۆستایان شۆڕشێکمان لە شەقامەوە دەست پێکردووە تاوەکوو جێبەجێ‌کردنی داواکارییەکانمان ناچینەوە هۆڵەکانی خوێندن و ئەم بابەتە لە شەقامەوە کۆتایی دێت نەک لە بارەگا حزبییەکان، بەردەوام دەبین."

وتیشیان، "هەڵوێست و داواکارییەکانمان روونە و ئەوەی دەڵێن وانەبێژەکان دەکەنە گرێبەست و پلەبەرزکردنەوە دەستپێدەکەنەوە قایلمان ناکات و دەبێت سەرجەم داواکارییەکانمان بە نووسراو و بەبێ لابردنی هیچ خاڵێک جێبەجێ بکرێت."

لە مانگی ئەیلوولەوە خوێندنی ساڵی ٢٠٢٣-٢٠٢٤ لە هەرێم دەستیپێکردووە، بەڵام لە چەندین ناوچەی هەرێم هێشتا دەوام نەکراوە، ئەوە سەرەڕای ئەوەی خوێندکارانی پۆلی ١٢ و ٩ تاقیکردنەوەی نیشتیمانیان هەیە.