بەپێی هەواڵی کوردپرێس، دکتۆر ئێلیزا مارکووس شرۆڤەکاری پرسی کورد ئاماژەی دابە کوژرانی بەرپرسێکی باڵای هێزەکانی سووریای دیموکرات لە دەیرەزووری و سووریا و دەڵێت ئەم هەڵمەتە و هێرشە بەردەوامەکانی داعش بۆ سەر ئەم هێزانە دەرخەری ئەوەن کە بەرەی دژە کورد لە سووریا پەرەی سەندووە.

دکتۆر مارکووس زیاتر لەمبارەوە دەنووسێت: تورکیا هەوڵ دەدات بۆ لەناوبردنی بەرپرسانی باڵای هێزەکانی سووریای دیموکرات بە سەرکردایەتیی کوردەکان و هەندێک لەوانەی کە دەگوترێت ئەندامانی پێشووی پەکەکەن. هەڵمەتی ئەمدواییەی هۆزە عەربەکان و کوژرانی ئەندامێکی هێزەکانی سووریای دیموکرات بەواتای سوود وەرگرتنی تورکیایە لە هەڵمەتەکانی میلیشیا عەرەبەکان لە پارێزگای دەیرەزووری سووریا.

ناوبراو ئاماژەی بەوە کردووە کە بەشێک لە پارێزگای دەیرەزوور لە ژێر کونترۆڵی کوردەکاندایە و یەکێکە لە پارێزگا ناسەقامگیرەکانی سووریا و هۆشداریی داوە کە ئەم چەشنە هەوڵانە بەواتای ناکاریگەر بوونی هەڵمەتەکانی هەسەدە-یە بۆ سەقامگیریی لەم پارێزگایەدا.

دکتۆر ئێلیزا مارکووس ڕاشیگەیاندووە ئەم چەشنە هەڵمەتە کاریگەریی نەرێنی دەبێت لەسەر هاوپەیمانێتیی نێوان هێزە کوردییەکانی سووریا و هێزەکانی ئەمریکا.